Iteca Exhibitions, O'zbekistondagi xalqaro ko'rgazmalar va anjumanlarning yetakchi tashkilotchisi o'zining 31-ko'rgazma mavsumiga qadam qo'ymoqda.
2025-yil natijalari kompaniyaning mamlakat iqtisodiyoti va biznes muhitini rivojlantirishga qo'shgan amaliy hissasini aniq tasdiqladi, bu uning "Iteca Exhibitions O'zbekiston iqtisodiyotini rivojlantirishga qo'shgan hissasi bilan faxrlanadi!" shioriga sodiqligini aks ettiradi. Buni o'tgan mavsumning yakuniy raqamlari ham ko'rsatib turibdi: 20 ta xalqaro ko'rgazma, to'rtta nufuzli forum va 36 ta tematik seminar o'tkazildi. Tadbirlarda 55 mamlakatdan 4 311 ta kompaniya va brend, 251 ta spiker va moderator hamda 3 957 ta delegat ishtirok etdi. Tashriflarning umumiy soni 75 mamlakatdan 101 160 kishini tashkil etdi, bu kompaniyaning ko'rgazma loyihalarining ko'lami va xalqaro miqyosda yuqori darajada tanilganini tasdiqlaydi.
2026-yilda Iteca Exhibitions ishtirokchi mamlakatlar geografiyasini, ko'rgazma mavzularini kengaytirish va yangilangan tadbirlar kalendarini taqdim etish orqali faoliyatining miqdoriy va sifat ko'rsatkichlarini mustahkamlashni rejalashtirmoqda. Klassik ko'rgazma mavsumi modeli biznesni rivojlantirish va biznes aloqalarini mustahkamlashga, shuningdek, mahalliy ishlab chiqaruvchilarni qo'llab-quvvatlash, investitsiyalarni jalb qilish va asosiy iqtisodiy tarmoqlarni rivojlantirishga qaratilgan yangi formatlar, forumlar va qayta ishga tushirilgan loyihalar bilan to'ldiriladi. Ikkita maydonda - "O'zekspomarkaz" MKK va CAEx Uzbekistan'da 22 ta xalqaro ko'rgazma va 5 ta anjuman o'tkazish rejalashtirilgan.
Bu yil to'rtta ko'rgazma o'zining yubileylarini nishonlamoqda: TIHE (Sog'liqni saqlash) – 30 yil, UzFood (Oziq-ovqat sanoati) – 25 yil, MiningMetals Uzbekistan (Tog'-kon ishi va metallurgiya) – 20 yil, E-TechExpo (Elektronika va innovatsion texnologiyalar) – 5 yil.
Bahorgi ko'rgazma mavsumni mamlakatning yetakchi qurilish ko'rgazmasi - UzBuild ochadi. Ko'rgazma O'zbekiston qurilish va interyer haftaligi doirasida "O'zekspomarkaz" MKKda bo'lib o'tadi. Haftalik tadbirlari, shuningdek, ixtisoslashtirilgan BuildTech bo'limi (qurilish texnikasi va texnologiyalari) va Xalqaro qurilish sanoati anjumani – ICCI`ni o'z ichiga oladi.
Bahorgi mavsumni AgroWorld Uzbekistan, UzFood, O'ZuPACK, WoodTech & MebelExpo Uzbekistan xalqaro ko'rgazmalari shu maydonda davom etadi.
2026-yilgi ko'rgazma mavsumining debyut tadbiri AgroWorld Uzbekistan ko'rgazmasi bilan bir vaqtda o'tkaziladigan Xalqaro suv forumi – Tashkent Water Week 2026 bo'ladi. Forum O'zbekiston Respublikasi hukumati tomonidan, Iteca Exhibitions xalqaro ko'rgazmalar kompaniyasi, Toshkent irrigatsiya va qishloq xo'jaligini mexanizatsiyalash muhandislari instituti va Progressiv islohotlar markazi ko'magida tashkil etilmoqda. Forum tajriba almashish, innovatsion yondashuvlarni muhokama qilish va suv resurslarini qo'shma boshqarish strategiyalarini ishlab chiqish uchun noyob imkoniyat yaratadi.
Tibbiyot va go'zallik sanoatidagi xalqaro ko'rgazmalar yana bir bor "Go'zallik va sog'liq sinergiyasi" shiori ostida o'tkaziladi – bu TIHE, PharmExpo Central Asia, Stomatology Uzbekistan, Beauty Uzbekistan / BeautyDerma Central Asia ko'rgazmalari. So'ngra OGU, Power Uzbekistan va GETCA kabi yirik xalqaro ko'rgazmalar, shuningdek, neft-gaz va energetika anjumanlari birlashtirgan Uzbekistan Energy Week doirasida bo'lib o'tadi. Barcha tadbirlar CAEx Uzbekistan ko'rgazma majmuasida bo'lib o'tadi.
Bahorgi mavsum "O'zekspomarkaz" MKKda bo'lib o'tadigan "TextileExpo Uzbekistan Bahor" ko'rgazmasi bilan yakunlanadi.
Kuzgi mavsumda"Oʻzekspomarkaz" MKKda 10 ta xalqaro koʻrgazma va bir qator biznes sessiyalari va forumlar boʻlib oʻtadi: CAITME, Plastex Uzbekistan, Aquatherm® Tashkent, TextileExpo Uzbekistan Kuz, Ta'limExpo / ISUE (kompaniyaning avvalgi loyihasi, yangi formatda qayta tiklandi), MiningMetals Uzbekistan, Oʻzbekiston Xalqaro kon-metallurgiya forumi - UIMF, Machinery Central Asia, TransLogistica Uzbekistan, Securex Uzbekistan, E-TechExpo.
O'z faoliyati davomida kompaniya ko'rgazmalar bozorida eng samarali va ishonchli operator sifatida obro' qozondi, uning loyihalari doimiy ravishda yuqori darajadagi tashkiliylikni va ishtirokchilar uchun amaliy foyda keltiradi. Iteca Exhibitions ko'rgazmalari samarali B2B platformasi bo'lib, asosiy bozor ishtirokchilari bilan to'g'ridan-to'g'ri bog'lanish, yuqori sifatli netvorking va haqiqiy biznes aloqalarini ta'minlaydi. Ushbu yo'nalish barqaror rivojlanib boraveradi va ishtirokchilar o'rtasida biznes aloqalari uchun qo'shimcha imkoniyatlar yaratadi.
