Bugun butun dunyoda 2026-yilgi Global Exhibitions Day (GED) — tashkilotchilar, biznes hamjamiyati va soha hamkorlarini birlashtirgan koʻrgazma sanoatining professional bayrami nishonlanmoqda. 2026-yilda Jahon koʻrgazmalar kuni «Exhibitions drive opportunities» — «Koʻrgazmalar imkoniyatlarni yaratadi» shiori ostida oʻtkaziladi, unda koʻrgazmalarning iqtisodiy rivojlanish, xalqaro hamkorlik, investitsiyalar va biznes aloqalaridagi roli taʻkidlanadi.

Ushbu shior, ayniqsa, tarixi Oʻzbekistonda zamonaviy koʻrgazma bozorining shakllanishi bilan uzviy bogʻliq boʻlgan Iteca Exhibitions kompaniyasi faoliyatini aniq aks ettiradi. 1995-yilda xalqaro koʻrgazmalarini oʻtkazishni boshlagan kompaniya Oʻzbekistonda xalqaro koʻrgazmalarning birinchi professional tashkilotchisiga aylandi va aslida milliy koʻrgazma sanoatining shakllanishida yetakchi oʻrinni egalladi. Yillar davomida kompaniya mamlakat koʻrgazma sanoatini rivojlantirishga katta hissa qoʻshdi, koʻrgazmalarning iqtisodiy sohalarni rivojlantirish, xalqaro hamkorlikni mustahkamlash va investitsiyalarni jalb qilishning samarali vositasi sifatidagi rolini namoyish etdi.

Bugungi kunda Iteca Exhibitions koʻrgazma brendlari xalqaro tadbirlar taqvimida mustahkam oʻrin egalladi va har yili butun dunyodan ishlab chiqaruvchilar, yetkazib beruvchilar, investorlar, tegishli vazirliklar, soha uyushmalari va ekspertlarni birlashtiradi. 2007-yildan beri UFIning Oʻzbekistondagi birinchi toʻliq aʻzosi sifatida Iteca Exhibitions xalqaro koʻrgazma standartlarini izchil joriy etib, Oʻzbekiston koʻrgazma bozorining global biznes makoniga integratsiyalashuvini qoʻllab-quvvatlaydi.

Kompaniyaning bir qator koʻrgazmalari UFI Approved Event maqomiga ega — bu global koʻrgazma sanoati standartlariga muvofiqlikning xalqaro miqyosda tan olinishidir. Ular orasida mintaqadagi asosiy sanoat platformalari boʻlgan va Oʻzbekistonning xalqaro maydondagi biznes imidjini shakllantiradigan UzBuild, TIHE, CAITME va OGU koʻrgazmalarini aytib oʻtsa boʻladi.

Iteca Exhibitions kompaniyasining Jahon koʻrgazmalar kuniga 2026-yil bahorgi mavsumining taʻsirchan natijalar bilan yaqinlashgani ramziy maʻnoga ega. Bu bahorda iqtisodiyotning asosiy tarmoqlarida — qurilish va agrosanoat sektoridan tortib, oziq-ovqat sanoati, tibbiyot, suv xoʻjaligi, mebel, goʻzallik sanoati, energetika, neft-gaz kompleksi va toʻqimachilikgacha — 12 ta xalqaro koʻrgazma, toʻrtta vakillik anjumani va bir qator seminarlar va mahorat darslari oʻtkazildi. Tadbirlarda 53 mamlakatdan jami 2 981 ta kompaniya va brend, 302 nafar spiker va moderator, 4 462 nafar delegat ishtirok etdi va tashriflar soni 63 ta mamlakatdan 77 278 tani tashkil etdi.

Ushbu tadbirlarning har biri GED 2026 shiorining amaliy tasdigʻi boʻlib xizmat qildi — «koʻrgazmalar real imkoniyatlar yaratadi»:

• ishlab chiqaruvchilar va yetkazib beruvchilar uchun: yangi bozorlarga kirish va hamkorlar topish;
• investorlar uchun: hamkorlikning istiqbolli yoʻnalishlarini kashf etish;
• mutaxassislar uchun: ilgʻor texnologiyalar va ekspert bilimlaridan foydalanish imkoniyatini qoʻlga kiritish;
• iqtisod sohalari uchun: modernizatsiya va xalqaro hamkorlikni jadallashtirish.

Koʻrgazma platformalarining rivojlanish vositalari sifatidagi ahamiyati ham hukumat darajasida, ham tadbir ishtirokchilari tomonidan tasdiqlanadi. Oʻzbekiston energetika haftaligi davomida Bosh vazir oʻrinbosari Jamshid Xoʻjayev bu shunchaki sanoat tadbiri emas, balki hamkorlik aloqalari shakllanadigan, shartnomalar tuziladigan, texnologiyalar taqdim etiladigan va investorlar real imkoniyatlarni koʻradigan ishchi platforma ekanligini taʻkidladi.

Bahorgi koʻrgazmalar mavsumini sarhisob qilar ekanmiz, Jahon koʻrgazmalar kunining «Koʻrgazmalar imkoniyatlar yaratadi» shiori va xalqaro koʻrgazmalar kompaniyasining «Iteca Exhibitions Oʻzbekiston iqtisodiyotiga xizmat qilishdan faxrlanadi!» shiori qanchalik uygʻun ekanini ishonch bilan taʻkidlash mumkin.

Har bir koʻrgazma loyihasi ortida yangi ishbilarmonlik aloqalari, investitsiya loyihalari, texnologik yechimlar va xalqaro hamkorliklar turadi. Aynan koʻrgazmalar biznes, iqtisodiyot tarmoqlari va professional jamoalar uchun yaratadigan ushbu imkoniyatlar iqtisodiy oʻsishning haqiqiy drayverlariga aylanmoqda.

Oldinda — yangi loyihalar, ishtirokchilar va oʻsish hamda hamkorlik imkoniyatlarini taqdim etadigan kuzgi koʻrgazmalar mavsumi.

Iteca Exhibitionsning boʻlajak tadbirlari haqidagi barcha maʻlumotlar shu yerda mavjud: TADBIRLAR TAQVIMI

Yangiliklarni kuzatib boring va kuzgi koʻrgazma mavsumining muhim lahzalari markazida boʻling!

Sizning biznesingiz butun dunyo bilan aloqada!

www.iteca.uz Tel. +998 71 205 18 18